Pakistan

سوال # 5127

کیا ضبط ولادت جائز ہے؟ اگر ہاں تو کون سے طریقے جائز ہیں اورکون سے طریقے ناجائز؟

Published on: Jul 3, 2008

جواب # 5127

بسم الله الرحمن الرحيم

فتوی: 772=743/ د


 


عورت کی صحت بہت خراب ہے کہ حمل کی تکالیف برداشت کرنے کی قوت نہیں ہے، یا دودھ پیتا بچہ گود میں ہے، استقرار حمل سے اس کو ضرر پہنچنے کا قوی اندیشہ ہے، بایں طور کہ وہ ماں کا دودھ پیتا ہے، استقرار حمل سے اس کو صحیح خوراک نہ مل سکے گی اور اس کو شدید ضرر پہنچ جائے گا۔ ایسی صورت میں عارضی طور پر مانع حمل تدبیر اختیار کرنے کی گنجائش ہے۔ عزل کرنا، یا کنڈوم وغیرہ استعمال کرنا، لیکن رزق کی تنگی کے خوف سے مانع حمل تدبیر اختیار کرنا حرام ہے۔ آپ وہ طریقہ بتلائیں جسے اختیار کرنا چاہتے ہیں اورکیوں اختیار کرنا چاہتے ہیں؟ تو اس کا حکم شرعی لکھ دیا جائے گا۔ ان شاء اللہ


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات