متعلقہ سوالات

اگر کوئی عورت اپنے ذہنی توازن کے بگڑجانے کی وجہ سے دس سالہ شادی شدہ ناخوش گوار زندگی میں وزنی چیز اٹھا کربہت سے اسقاط کرائی ہوتو اس کے بارے میں کیا حکم ہے؟ وہ اپنے شوہر کے جسمانی موجودگی کو ناپسند کرتی ہے، اس نے اپنی حرکتوں پر کنٹرول کرنے کی بہت کوشش کی ہے ، لیکن سب بیکار۔اس ذہنی عدم توزن اور بے چینی کی وجہ سے کیا اسے نکاح بر قرار رکھنا جائزہے؟یا اسے خلع کرا لینا چاہئے اور حرام کاموں سے بچنا چاہئے؟

میں طلاق کے بارے میں جاننا چاہتی ہوں۔ میرے شوہر نے طلاق کہا اور اس کے بعد وہ اس کا اعتراف نہیں کرتے ہیں کہ انھوں نے ایسا کہا ہے۔ مجھے ایسا لگتا ہے کہ میں ان کے ساتھ رہ کر گناہ کررہی ہوں۔ اگر چہ ہم تعلق نہیں قائم کرتے ہیں۔ برائے کرم مجھے جواب عنایت فرماویں کیوں کہ میں ذہنی طور پر بہت زیادہ پریشان ہوں۔ میں اداسی، غصہ اور بہت ساری دوسری پریشانیوں کا شکار ہوں اور مجھے پورا وقت اپنے گھر والوں سے لڑنا پڑتا ہے۔ میں نہیں جانتی ہوں کہ کیا کروں؟ برائے کرم میری مدد کریں او رمجھے قرآن اور حدیث سے بتائیں۔

میرے سالے کی شادی ایک لڑکی سے ہوئی جس کو میرے سالے کی ماں اور بہن نیپسند کیا تھا۔شادی کے بعد میاں اور بیوی بہت زیادہ محبت کرتے ہیں اور ایک دوسرے کو پسند کرتے ہیں۔ ماں کمزور اور بیمار تھی اس کی بہو نے اس کی پوری دیکھ بھال کی اور علاج کرایا۔ لیکن ماں نے اپنے لڑکے کے ساتھ اپنی بہو پر چلانا شروع کیا۔ لڑکا اس کو برا محسوس کرتا تھا کیوں کہ وہ اچھی طرح سے جاننا تھا کہ اس کی بیوی اس کی ماں کی دیکھ بھال کررہی ہے اور اس کی خدمات کی وجہ سے اس کو برا بھلا نہیں کہا جاسکتا ہے۔یہ روزانہ کا معمول بن گیا کہ ماں ہر دن اپنی بہو پر چلانا شروع کردیتی تھی ہر معمولی چیزوں پر اس کی خدمت کونظر انداز کرکے۔ ایک دن لڑکے نے اپنی ماں کو اپنی بیوی پر چلانے سے منع کیا جو کہ اس کی ماں کے لیے بہت کچھ کررہی ہے۔ بیمار ماں ناراض ہو گئی اور دونوں یعنی لڑکے اور بہو پر چلانا شروع کیا۔ لڑکا بھی ناراض ہوگیا اور کہا کہ میں نے اس کو شادی کے لیے نہیں منتخب کیا ہے یہ تو تم نے اور میری بہن نے اس کو منتخب کیا ہے۔ غصہ میں لڑکے نے کہا کہ اگر تم نہیں چاہتی ہو کہ میری بیوی میرے ساتھ رہے تو میں اس کو طلاق (تین مرتبہ) دیتا ہوں۔یہاں یہ بات یاد رہے کہ شوہر اس وقت اپنی ماں اور بہن کے ساتھ بحث کررہا تھا تاہم بیوی بھی وہاں موجود تھی لیکن وہ اپنی بیوی کو براہ راست مخاطب نہیں کررہا تھا۔وہ بہت غصہ میں تھا لیکن اس کی نیت اپنی بیوی کو طلاق نہیں دینے کی تھی بلکہ اپنی ماں اور بہن کوچڑانے کی تھی۔ میاں او ربیوی ایک دوسرے سے بہت زیادہ محبت کرتے ہیں اور دونوں طرف سے جدا ہونے کی کوئی بھی نیت نہیں ہے۔مفتی صاحب اس طرح کے حالات کے اندر جس میں شوہر طلاق کی کوئی نیت نہیں رکھتاہے لیکن صرف اپنی ماں اور بہن کوچڑانا مقصود ہے او ربہت زیادہ غصہ کی حالت میں براہ راست اپنی ماں اور بہن کو مخاطب کررہا تھا [جب آپ اسے پسند نہیں کرتے تو میری شادی کیوں کرائی لو اب میں اسے طلاق دیتاہوں]۔ میرا سوال یہ ہے کہ اس کا اثر ان کی شادی شدہ زندگی پر کیا ہوگا؟ اللہ ہماری مدد کرے۔ آمین

میں ایک سرکاری ڈاکٹر ہوں اورمیرے پہلے شوہر سے میرے دو بچے ہیں۔ 6 مئی 2006 کو میں نے دوسری شادی کی اوردوسرے شوہر سے میرا ایک تین ماہ کا لڑکا ہے۔ جب میرا لڑکا پندرہ دن کا تھا تو اس نے موبائل پر مجھے دومرتبہ طلاق دی۔اس کے بعد اس نے طلاق کے دوماہ کے بعدموبائل پر مجھ سے دوبارہ رابطہ کیا ۔ اس نے مجھ سے کہا کہ وہ مجھے دوبارہ قبول کرلے گا اگر میں اپنا تین ماہ کا بچہ اس کی بہن کو دے دوں جس کے کوئی اولاد نہیں ہے۔ لیکن میں اپنا لڑکا اس کو نہیں دینا چاہتی ہوں، کیوں کہ وہ جاہل ہے اورمجھے ذہنی طورپر ٹارچر کرتی ہے۔ اب میں یہ جاننا چاہتی ہوں کہ کیا میں مطلقہ ہوگئی تھی یا کہ نہیں؟ نیز مجھے بتائیں کہ اب مجھے کیا کرنا چاہیے؟ میں اپنے بچہ کو بھی چاہتی ہوں اور اپنے شوہر کو بھی چاہتی ہوں۔ اگر کوئی وظیفہ ہو جس سے میرے شوہر کا دل نرم ہوجائے تو مجھے وہ بھی بتادیں۔

ایک آدمی کو کمرے میں بند کرکے سسر اور دو سالوں نے گلا دبا کر ہاتھ پیر موڑ کر جبراً طلاق لی اس کی بیوی کے سامنے۔ جس آدمی سے طلاق لی گئی وہ ایک ندوی عالم ہیں اور ایک مسجد میں امام ہیں۔ لڑکا کہتاہے کہ اس نے تینوں مرتبہ یہ کہا ?میں نے فاطمہ کو طلاق دی انشاء اللہ?۔ لڑکی کا باپ کہتا ہے کہ لڑکے نے پہلی دفعہ طلاق لفظ کے ساتھ ان شاء اللہ نہیں لگایا تھا، دوسری اور تیسری دفعہ میں ان شاء اللہ لگایا تھا۔ اس لیے ایک طلاق ہوئی اور اگر لڑکا او رلڑکی تین ماہ کے اندر رجوع نہیں کرتے ہیں تو تین طلاق خود بخود ہو جائے گی۔ برائے کرم یہ بتائیں کہ طلاق ہوئی یا نہیں؟

میں نے اپنی بیوی کے رویہ سے تنگ آکر اسے تین طلاق لکھ کر بھیج دی۔اب لوگوں کا یہ کہنا ہے کہ قرآن اور سنت کے مطابق یہ ایک طلاق ہوئی ہے، کیوں کہ انھوں نے اہل حدیث کے علماء سے ایسا فتوی لیا ہے کہ ایک وقت میں دی ہوئی متعدد طلاقیں ایک ہی تصور ہوتی ہیں۔ جب کہ ہم لوگ (میں اور میری بیوی دونوں)حنفی ہیں۔ س فتوی کی بنیاد پر مجھ سے یہ کہا جارہا ہے کہ تم رجوع کرلو۔ میں یہ پوچھنا چاہتاہوں کہ کیا واقعی ایک طلاق ہوئی او ررجوع ممکن ہے؟ اور اگر قرآن اور سنت کے مطابق یہ ایک طلاق ہوئی ہے تو احناف اس کو تین طلاق کیوں شمار کرتے ہیں؟

میری بیوی دین و دنیا سے بے خبر، نام کی مسلمان، کلمہ ، درود اور نماز سے بالکل ناواقف، دنیوی تعلیم سے بھی بے بہرہ ہے۔ میں نے اسے سکھانے کی بہت خواہش کی ، لیکن تب بھی وہ نہیں سیکھی ، تعلیم کے لیے میں نے اسے اس کے میکے بھیج دیا لیکن بھی سود۔ وہ کہتی ہے کہ میں جیسے ہوں ، مجھے قبول کرلویا طلا ق دیدو۔ میں نے اسے طلاق دینے کا فیصلہ کرلیاہے۔ وہ حمل سے ہے ، اس کا کہناہے کہ مجھے اور میرے بچے کو کو خرچہ دو ، کیا اس کی یہ بات صحیح ہے؟ میں تعلیم یافتہ اور نماز ی ہوں، میں اپنے بچہ کو اپنے ساتھ رکھنا چاہتاہوں۔ براہ کرم، میری رہ نمائی فرمائیں۔