عنوان: میری بیوی مجھے بیوی بلیك میل كررہی ہے

سوال: میری بیوی خلع کے کاغذات تیار کروارہی ہے، لیکن میں اسے چھوڑنا نہیں چاہتاہوں، میں نے طلاق دینے سے انکار کردیاہے، وہ بہت نافرمان بھی ہے اور اب بیٹے کی پیدائش کے بعد سے مجھے بلیک میل کررہی ہے، یا کہیں اور شادی کرنا چاہ رہی ہے، اپنے والد کے گھر جا کر بیٹھ گئی ہے، زیور بھی لے گئی ہے، اس کے والد بھی یہی کہتے ہیں کہ اب کہیں اور اس کی شادی کریں گے ، میرے لیے دعا فرمائیں نیز کوئی روحانی علاج بتائیں۔

جواب نمبر: 4257231-Aug-2020 : تاریخ اشاعت

بسم الله الرحمن الرحيم

فتوی: 1221-1317/N=1/1434 (۱) اللہ تعالیٰ آپ کے لیے خیر کا فیصلہ فرماکر آپ کو اس پر راضی وخوش کردیں اور آپ کو سکون وعافیت کی بہترین زندگی عنایت فرمائیں، آمین۔ (۲) صبر وہمت سے کام لیں، کثرت سے اللہ سے خیر کی دعا کریں اور روزانہ صبح وشام دونوں وقت پابندی کے ساتھ استغفار کی کم ازکم تسبیحات پڑھا کریں، کیونکہ استغفار کو لازم پکڑنے سے اللہ تعالیٰ ہرتنگی ومصیبت سے نکلنے کا راستہ اور غم وفکر سے خلاصی کی صورت پیدا فرمادیتے ہیں، اور ایسی جگہ سے رزق عنایت فرماتے ہیں جہاں سے آدمی کو وہم وگمان بھی نہیں ہوسکتا عن ابن عباس قال: قال رسول اللہ صلی اللہ علیہ وسلم: من لزم الاستغفار جعل اللہ لہ من کل ضیق مخرجا ومن کل ہم فرجا ورزقہ من حیث لا یحتسب․ رواہ أحمد وأبوداوٴد وابن ماجہ (مشکاة شریف، کتبا الدعوات، باب الاستغفار والتوبة، الفصل الثاني: ۲۰۴)