معاشرت >> عورتوں کے مسائل
سوال نمبر: 600831
حائضہ عورت کے لئے عبادت (نماز، روزا، حج ، تسبیح تحلیل وغیرہ) کرنے کا حکم
حائضہ عورت کے لئے عبادت (نماز، روزا، حج ، تسبیح تحلیل وغیرہ) کرنے کا حکم کیا ہے ؟ تفصیل سے بیان کریں۔
جواب نمبر: 600831
بسم الله الرحمن الرحيم
Fatwa : 149-118/M=03/1442
حالت حیض میں عورت پر نماز ، روزہ نہیں ہے، نماز تو بالکلیہ معاف ہے یعنی ایام حیض کی نمازوں کی قضاء بھی نہیں ہے؛ البتہ رمضان کے جتنے روزے حیض کی وجہ سے چھوٹ جائیں ان کی قضاء لازم ہے، حائضہ عورت حج کرسکتی ہے، طواف نہیں کرسکتی لیکن دیگر افعال حج انجام دے سکتی ہے، تسبیح و تحلیل بھی کرسکتی ہے، تلاوت نہیں کرسکتی۔
واللہ تعالیٰ اعلم
دارالافتاء،
دارالعلوم دیوبند