عنوان: خواتین کا مسجد جاکر نماز پڑھنا كیسا ہے؟

سوال: سوال: کیا فرماتے ہیں مفتیان کرام مسئلہ ذیل کے بارے میں غیر مسلم کہتے ہیں ہماری خواتین پوجا پاٹھ کرنے کے لئے مندر جاتی ہیں لیکن مسلم عورتیں مسجد میں نماز پڑھنے کیوں نہیں جاتیں۔ ایک سوال اور یہ کہ مطلقہ خاتون اپنے شوہر سے بنا حلالہ کے نکاح کیوں نہیں کرسکتی؟ برائے مہربانی عقلی دلیل مرحمت فرمائیں۔

جواب نمبر: 16430801-Sep-2020 : تاریخ اشاعت

بسم الله الرحمن الرحيم

Fatwa:1331-1222/M=12/1439

(۱) جو غیر مسلم لوگ ایسا کہتے ہیں ان سے کہئے کہ عورت پردے کی چیز ہے وہ جتنا پردے میں رہے گی اس کی عزت وآبرو اتنی محفوظ رہے گی، اس لیے ہمارے مذہب اسلام میں عورتوں کو یہ ہدایت ہے کہ وہ اپنے گھروں میں نماز پڑھیں، ان کی نماز اپنے گھر میں یہ مسجد میں پڑھنے سے افضل ہے۔

(۲) ہرمطلّقہ کے لیے یہ حکم نہیں ہے جو خاتون، مطلقہ رجعیہ ہے اس سے شوہر عدت کے اندر رجوع کرسکتا ہے اس کے لیے نہ نکاح کی ضرورت ہے نہ حلالہ کی اور عدت کے بعد بھی نکاح جدید کرسکتا ہے حلالہ کی کوئی ضرورت نہیں، اور جو مطلقہ بائنہ ہے یعنی مغلظہ نہیں ہے اس سے بھی شوہر، عدت کے اندر اور عدت کے بعد بغیر حلالہ کے نکاح جدید کرسکتا ہے، ہاں جو خاتون مطلقہ ثلاثہ ہے یعنی شوہر نے اس کو تین طلاق دیدی ہے تو وہ اب حلالہ شرعی کے بغیر شوہر کے نکاح میں دوبارہ نہیں آسکتی۔