عنوان: موئے زیر ناف کی صفائی میں عورت کا الرجی کی وجہ سے بلیڈ یا مشین استعمال کرنا

سوال: حضرت مفتی صاحب! عورت کو اگر موئے زیر ناف صاف کرنے میں کریم سے پریشانی اس قدر ہوتی ہے کہ جلد جھلس جاتی ہو اور بہت زیادہ تکلیف ہوتی ہو اور جلد جل جاتی ہو تو کیا عورت کو اس مجبوری میں بلیڈ کا استعمال کی گنجائش ہے یا نہیں؟

جواب نمبر: 16326201-Sep-2020 : تاریخ اشاعت

بسم الله الرحمن الرحيم

Fatwa:1104-936/N=11/1439

عورت کے لیے موئے زیر ناف کی صفائی کے لیے بال صفا کریم یا صابن استعمال کرنا صرف افضل وبہتر ہے؛ تاکہ اس کی شرمگاہ کے آس پاس کا حصہ نرم رہے، واجب وضروری نہیں ہے؛ اس لیے اگر کسی عورت کو بال صفا کریم یا صابن سے الرجی ہوتی ہو تو وہ مجبوری میں بلیڈ یا مشین استعمال کرسکتی ہے ۔