عبادات >> صلاة (نماز)
سوال نمبر: 605628
سگریٹ یا شیشہ پینے والے كو امام بنانا كیسا ہے؟
جو شخص سگریٹ یا شیشہ پیتا ہو اس شخص کو امام بنانا صحیح ہے ؟ ایسے شخص کے پیچھے نماز پڑھنا جائز ہے ؟
جواب نمبر: 605628
بسم الله الرحمن الرحيم
Fatwa:993-699/sd=1/1443
جوامام سگریٹ، شیشہ وغیرہ پینے کا عادی ہو، اس کے منہ سے بدبو آتی ہے، جس سے فرشتوں کو اور عامة المسلمین کو تکلیف ہوتی ہے اور حدیث شریف میں ایسی چیز کھاکر مسجد میں آنے سے منع کیا گیا ہے جس سے منہ سے بدبو آئے۔ قال رسول اللہ صلی اللہ علیہ وسلم: من أکل من ھذہ الشجرة فلا یقربن مسجدنا، وفی روایة فإن الملائکة تتأذی مما یتأذی منہ الإنس (مسلم شریف) لہٰذا ایسے شخص کو امام نہیں بنانا چاہیے۔(فتاوی محمودیہ: ۳۹/۱۰، ۴۰، میرٹھ)
واللہ تعالیٰ اعلم
دارالافتاء،
دارالعلوم دیوبند