متفرقات >> دیگر
سوال نمبر: 605150
خود بخود اگنے والے پودوں کی ملکیت کا شرعی حکم
مفتی صاحب واضح فرما دیں کہ بارش کے موسم کے بعد گلیوں میں یا نالیوں کے کنارے مٹی والی جگہ میں یا دیواروں کے بیچ کسی نرم جگہ پر اکثر مختلف قسم کے پودے اگ جایا کرتے ہیں۔ اور کچھ عرصہ بعد کسی گاڑی کے ٹائر کے نیچے آنے سے یا بے توجہی کی وجہ سے گل سڑ کر ختم ہو جاتے ہیں۔ کیا اگر ایسے پودوں کو وہاں سے اکھاڑ کر گھر میں گملوں میں لگا لیا جائے تو شریعت کا حکم اس مسئلہ میں کیا ہو گا؟ جزاکم اللہ تعالی احسن الجزاء
جواب نمبر: 605150
بسم الله الرحمن الرحيم
Fatwa : 894-759/M=11/1442
ایسے خودرو پودے مباح الاصل ہوتے ہیں، ان کو زمین سے اکھاڑ کر گھروں میں گملوں میں لگاسکتے ہیں، ایسے گھاس، پودوں کو جو کوئی کاٹ کر یا اکھاڑ کر اپنی تحویل میں لے لے وہ مالک بن جاتا ہے۔
واللہ تعالیٰ اعلم
دارالافتاء،
دارالعلوم دیوبند