متفرقات >> دیگر
سوال نمبر: 600311
حاملہ عورت کے لیے جانور ذبح کرنا، سورج گرہن میں حاملہ کا احتیاط کرنا
(۱) سوال:- حاملہ عورت کوئی جانور ذبح کر سکتی ہے کیا؟ اگر ہے تو اس کے حمل میں کوئی نقصان تو نہیں ہوگا؟
(۲) سوال:- سورج گرہن یا چاند گرہن کے وقت حاملہ عورتوں کیا احتیاط کے ساتھ رہنا چاہیے ؟ لوگ کہتے ہیں جو عورت اس وقت احتیاط سے نہیں رہتی اس کے بچہ کی ٹانگیں پیدائشی ٹیڑھی ہوجاتی ہیں۔
جواب نمبر: 600311
بسم الله الرحمن الرحيم
Fatwa:97-60/sn=2/1442
(1) جی ہاں، ذبح کرسکتی ہے ، شرعا اس میں کوئی حرج نہیں ہے ۔
(2) سورج گرہن کے دوران حاملہ عورت کو شریعت نے کسی خاص چیز کا پابند نہیں بنایا ہے ، سوال میں جو کچھ آپ نے تحریر کیا ہے ، یہ محض عوامی خیال ہے ، شرعا اس کی کچھ حقیقت نہیں ۔
واللہ تعالیٰ اعلم
دارالافتاء،
دارالعلوم دیوبند