معاشرت >> نکاح
سوال نمبر: 32911
جواب نمبر: 32911
بسم الله الرحمن الرحيم
فتوی(د): 1176=718-7/1432 (۱) نرم لہجہ میں معذرت کردیں۔ (۲) اگر اس لڑکی سے رشتہ کی بات طے ہوچکی ہو ضروری امور دریافت ہوچکنے کے بعد گھر کی عورتوں نے بھی دیکھنے کے بعد منظور کرلیا ہو ایسے وقت لڑکا بھی کسی بہانہ سے ایک نظر دیکھ لے گنجائش ہے، اس سے زاید بات چیت کرنا ملاقات کرنا ہرگز جائز نہیں۔ (۳) آپ اپنے گھروالوں کو نرمی اور حکمت سے دین کی باتیں بتلاتے رہیں اور اہل بدعت کی گمراہ کن باتوں کی طرف توجہ دلاتے رہیں اور گھر کے مَردوں کے حق میں بہت ہے کہ چار ماہ چالیس دن یا اس سے کم وبیش جس قدر آسان ہو وقت جماعت میں لگادیں، مقامی دینی حلقوں میں (جو اہل حق کے ہوتے ہوں) شرکت کریں، اسی طرح عورتیں بھی دینی پروگرام جو جماعت دعوت وتبلیغ کی طرف سے طے ہو اس میں پابندی سے شرکت کریں، ان شاء اللہ دینی اصلاح ہوجائے گی۔ (۴) رشتہ کا معاملہ نازک ہوتا ہے اللہ تعالیٰ سے دعا کریں نیک اور صالح رشتہ میسر آجائے، نیز کہیں سے رشتہ آئے تو منظوری سے پہلے استخارہ کرلیں، استخارہ کا طریقہ بہشتی زیور میں لکھا ہوا ہے۔ تھوڑی دیر گھر میں بہشتی زیور اور فضائل اعمال پڑھنے کا معمول بنائیں، گھر کے سب افراد مل بیٹھیں اور سنیں ان شاء اللہ اس سے بہت فائدہ ہوگا۔
واللہ تعالیٰ اعلم
دارالافتاء،
دارالعلوم دیوبند