معاشرت >> نکاح
سوال نمبر: 12251
میں پھوپھی زاد لڑکی سے شادی کرنا چاہتاہوں لیکن میری والدہ کہتی ہیں کہ تمہاری پھوپھی نے دودھ پلایا ہے جب کہ ایک عورت کی گواہی کافی نہیں۔ تو کیا میں اپنی پھوپھی زاد سے شادی کرسکتا ہوں کہ نہیں؟
میں پھوپھی زاد لڑکی سے شادی کرنا چاہتاہوں لیکن میری والدہ کہتی ہیں کہ تمہاری پھوپھی نے دودھ پلایا ہے جب کہ ایک عورت کی گواہی کافی نہیں۔ تو کیا میں اپنی پھوپھی زاد سے شادی کرسکتا ہوں کہ نہیں؟
جواب نمبر: 12251
بسم الله الرحمن الرحيم
فتوی: 657=465/ل
رضاعت کے ثبوت کے لیے دو مرد یا ایک مرد اور دو عورتوں کی شہادت ضروری ہے اس لیے ایک عورت کی گواہی پر رضاعت کا حکم نہیں لگایا جاسکتا البتہ جب آپ کی والدہ یہ کہتی ہیں کہ تمھیں تمھاری پھوپھی نے دودھ پلایا ہے تو ایک قسم کا شبہ پیدا ہوگیا اس لیے نکاح نہ کرنا ہی اولیٰ اور بہتر ہے۔
واللہ تعالیٰ اعلم
دارالافتاء،
دارالعلوم دیوبند