عبادات >> حج وعمرہ
سوال نمبر: 58060
جواب نمبر: 58060
بسم الله الرحمن الرحيم
Fatwa ID: 341-4341/H=5/1436-U (۱) اگر آپ کا جہاز دوبئی سے جدہ آرہا ہو تو دبئی ایرپورٹ پر ہی احرام باندھ لیں۔ (۲) پہلے عمرہ کے تمام افعال سے فارغ ہوکر سرمنڈالیں پھر جب دوبارہ عمرہ کریں تو پہلے کی طرح افعالِ عمرہ سے فارغ ہوکر سرپر استرہ پھروالیں یا خود ہی بورے سرپر بلیڈ یا استرہ سے بال صاف کرلیں خواہ اب بال بہت چھوٹے ہوں یا بالکل نہ ہوں تب بھی استرہ یا بلیڈ سے صاف کرلیں اور ہرعمرہ میں اسی طرح سرپر استرہ سے صاف کرتے رہیں، اس کے بغیر حلال نہ ہوں گے۔ (۳) طواف کے سات چکر پورا کرلینے پر ایک طواف ہوتا ہے پس سات چکر طواف کے پورا کرلینے پر دو رکعت نفل پڑھی جائے گی سات طواف کریں تو ہرطواف کے سات چکر لگانے پر دو دو رکعت نفل پڑھتے رہیں۔ (۴) جب عمرہ سے فارغ ہوگئے اور سر منڈالیا تو حرم شریف میں رہتے ہوئے سلے ہوئے کپڑے پہننا جائز ہوگیا اور ان کپڑوں میں عبادت کرنا بلاکراہت صحیح ہے۔ نوٹ: اگر سر کے بال بہت چھوٹے ہوں کہ انگلی کے ایک پوروے کی برابر کٹنے میں نہ آتے ہوں تو ایسی صورت میں احرام سے حلال ہونے کے لیے سرکا منڈانا ہی ضروری ہے، بال کاٹنے سے ایسی شکل میں حلال نہ ہوں گے، اس کا بہت لحاظ رکھا جائے عامةً اس مسئلہ میں حج وعمرہ کرنے والوں سے بسا اوقات غلطی ہوجاتی ہے۔
واللہ تعالیٰ اعلم
دارالافتاء،
دارالعلوم دیوبند