عبادات - حج وعمرہ

Pakistan

سوال # 153907

جولوگ قربانی کرتے ہیں وہ توماہ ذی الحجہ میں قربانی کرنے تک بال اور ناخن نہیں کاٹتے لیکن جو لوگ حج کرنے جاتے ہیں اور وہاں پرساتویں ذی الحجہ کو حج کے لیے احرام باندھتے ہیں توان کے لیے احرام سے پہلے ناخن اور بال کاٹنے کا کیا حکم ہے ؟ کیونکہ ہم نے حج کے کتابچوں میں دیکھا ہے کہ احرام سے پہلے مذکورہ صفائی حاصل کرنا چاہیے ۔

Published on: Aug 26, 2017

جواب # 153907

بسم الله الرحمن الرحيم


Fatwa: 1346-1322/M=12/1438



حج کے احرام سے پہلے ناخن بال کاٹ کر صفائی حاصل کرلینا مستحب ہے، لیکن جو حاجی صاحبان بقرعید کی قربانی بھی کریں گے اور وہ ذی الحجہ کا چاند نظر آنے کے بعد احرام میں داخل ہوں گے تو ان کے لیے بہتر یہ ہے کہ وہ کچھ اور پہلے یعنی ذی الحجہ کا چاند نکلنے سے پہلے ہی ناخن بال وغیرہ کاٹ لیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات