عنوان: جو مریض روزہ رکھنے پر قادر ہیں اُن کو تو روزہ رکھنا ہی واجب ہے

سوال: ذیابطش کے مریضوں کے لیے رمضان کے روزے کے بارے میں کیا حکم ہے؟چونکہ وہ پابندی سے انسولین انجکیشن لیتے ہیں اور دوائی بھی کھاتے ہیں۔ڈاکٹروں کے مطابق روزہ رکھنے سے صحت کا مسئلہ درپیش ہوسکتاہے کم یا طویل مدت تک کے لیے۔ ایسی صورت حال میں آپ ذیابطشن کے مریضوں کے لیے کیا حکم فرماتے ہیں؟ہم میں سے اکثر ڈاکٹروں کے مشورہ کے خلاف روزہ رکھتے ہیں اور اپنی صحت کا خیال نہیں رکھتے ہیں ۔ براہ کرم، مشورہ دیں۔

جواب نمبر: 6606501-Sep-2020 : تاریخ اشاعت

بسم الله الرحمن الرحيم

Fatwa ID: 978-974/H=10/1437

ذیابطیش کے تمام مریضوں کا حکم یکساں نہیں ہے جو مریض روزہ رکھنے پر قادر ہیں اُن کو تو روزہ رکھنا ہی واجب ہے البتہ جن کو قدرت نہ ہو مثلاً ہر چار پانچ گھنٹے گذرنے پر اُن کو کچھ کھانا پینا ضروری ہو اور نہ کھانے کی صورت میں ان کا مرض خطرناک صورت اختیار کر لیتا ہوتو ایسے مریض فی الحال روزہ نہ رکھیں تو ان پر کچھ گناہ نہیں البتہ روزہ پر قادر ہوجائیں تو ان کے ذمہ قضاء واجب ہوگی مثلاً گرمی میں قدرت نہ ہو اور سردی میں روزہ رکھ لیں گے تو ایسے مریض سردی کے زمانہ میں قضاء روزے رکھیں گے اور بہتر یہ ہے کہ ہر مریض اپنی حالتِ واقعیہ مرض کی پیش کرکے اپنے متعلق حکم شرعی معلوم کرکے عمل کرے۔