عنوان:

میرا شہر میری آفس سے اسّی (۸۰) کلو میٹر کے فاصلے پر ہے اور میں ادھر چار دن کام کرتا ہوں اور تین دن گھر پر رہتا ہوں۔ تو کیا میں اپنی آفس میں قصر نماز پڑھوں گا؟

سوال:

میرا شہر میری آفس سے اسّی (۸۰) کلو میٹر کے فاصلے پر ہے اور میں ادھر چار دن کام کرتا ہوں اور تین دن گھر پر رہتا ہوں۔ تو کیا میں اپنی آفس میں قصر نماز پڑھوں گا؟

جواب نمبر: 33501-Sep-2020 : تاریخ اشاعت

بسم الله الرحمن الرحيم

(فتوى: 459/ج=457/ج)

سفر شرعی کی مسافت راجح اور مفتی بہ قول کے مطابق 48 میل انگریزی ہے جس کی مقدار کلومیٹر کے حساب سے 77.24836 (سوا ستتر) کلومیٹر ہوتی ہے، اس لیے آپ اپنے آفس میں مسافر ہوتے ہیں، لہٰذا آپ کو وہاں نماز قصر پڑھنا ہے، بشرطیکہ آپ تنہا یا کسی مسافر امام کے پیچھے پڑھیں، مقیم امام کے پیچھے اس صورت میں بھی پوری پڑھنا ہے۔