عنوان: قبرستان كے برابر میں مكان بنانا

سوال: جناب محترم عرض یہ ہے عامل حضرات کہتے ہیں قبرستان کے برابر یاقبرستان کے سامنے مکان نہیں ہونا چاہے اور مکان کی کھڑکیاں بھی نہیں ہونا چاہے ّ اگر ایسا ہوا تو شیاطین اور جنّات گھر میں آجاتے ہیں اور ستاتے ہیں اور آسیب بھی ہوجاتا ہے اور جادو کا خطرہ بھی رہتا ہے میں تو پہلے ایک بار جادو کی زد مین آچُکا ہوں اور اب میرا نیا مکان قبرستان کے سامنے بن رہا ہے گھر کے اندر کی سب ہی کھڑ کیوں میں سے ہر وقت قبرستان دِکھتا رہے گا میری بیٹیاں بھی اس مکان سے گھبرا رہی ہیں ۔میرے لئے بہت اُلجھن ہوگی ہے مہربانی کرکے مجھے بتائیں۔

جواب نمبر: 6994401-Sep-2020 : تاریخ اشاعت

بسم الله الرحمن الرحيم

Fatwa ID: 1349-1318/H=12/1437 عامل حضرات کا قول درست نہیں ہے اس قول کی وجہ سے آپ اور آپ کے گھر والے وہم میں مبتلا ہوگئے گھر میں رہنے والے سب لوگ ہر نماز کے بعد چاروں قل اور آیة الکرسی نیز اوّل و آخر تین تین مرتبہ درود شریف پڑھا کریں گھر میں تلاوتِ قرآنِ کریم اور ہر فرد کم از کم دو سو مرتبہ درود شریف پڑھا کریں ہر معاملہ میں تقویٰ پرہیزگاری اور اتباعِ سنت کو لازم پکڑلیں۔ اللہ پاک سب کو شرور و آفات سے محفوظ رکھے ہر شر سے بچائے اور ہر خیر سے نوازے سعادت دارین عطاء فرمائے۔ آمین