متعلقہ سوالات

زید کہتاہے کہ اللہ تعالی نے نبی اکرم صلی اللہ علیہ وسلم کو علم غیب عطافرمایاتھا اور تمام مخلوقات سے زیادہ علم عطافرمایاتھا ، وہ یہ بھی کہتاہے کہ اس علم غیب سے مراد اللہ تعالی کا عطاکردہ ہے ، اللہ تعالی کے بتانے سے نبی اکرم صلی اللہ علیہ وسلم کو علم غیب تھا ، آپ صلی اللہ علیہ وسلم خود سے نہیں جانتے تھے اور اللہ تعالی نے زمین وآسمان میں جو کچھ ہے اس کا علم نبی اکرم صلی اللہ علیہ وسلم عطا فرمادیاتھایہ بعض غیوب کی خبر ہے۔ اگر کل کا لفظ استعمال کریں تو یہاں مخلوق کے مقابلے میں کل کا لفظ استعمال ہوگا، خالق کے مقابلے نہیں ، اور کہتاہے کہ اللہ کے علم غیب سے برابری تو دور نبی کا علم غیب اللہ کے علم غیب سے کچھ نسبت بھی نہیں رکھتاہے، کیونکہ نبی کا علم مخلوق ہے اور خالق کااپنا ذاتی ہے۔ جبکہ بکر کہتاہے کہ نبی پاک صلی اللہ علیہ وسلم کو اللہ تعالی نے علم غیب عطانہیں فرمایاتھا، علم غیب نہ ذاتی ہوتاہے اور نہ عطائی ، اس میں فرق نہیں کرنا چاہئیاور علم غیب صرف اللہ عزو جل شانہ کے ساتھ مخصوص ہے، اللہ تعالی نے اپنے محبوب بندوں کو بھی غیب کا علم نہیں دیتاہے۔ براہ کرم، اس جانب میری رہ نمائی فرمائیں۔

میں نے چار پانچ خواب دیکھے ہیں ، ان کی تعبیر جاننا چاہتاہوں۔

میں نے خواب میں دیکھا کہ میری مرحوم کزن، پھر میں، پھر میری چھوٹی بہت اور ایک اور کزن ایک لائن سے بیٹھے ہیں اورایک بزرگ آتے ہیں اور میری مرحوم کزن کے علاوہ ہم تین لڑکیوں کو بالترتیب سو روپئے، ساٹھ روپئے اور بیس روپئے دیتے ہیں۔ سب سے زیادہ رقم مجھے دیتے ہیں او رکہتے ہیں کہ قرض سر پر رکھنا اچھی بات نہیں اپنا اپنا قرض اتارو یہ پیسے لو۔ اس کے بعد نماز کی تاکید کرتے ہیں۔ ایک الگ کمرے میں نماز کے لیے صفیں بچھی ہوتی ہیں وہاں آنے کے لیے کہتے ہیں۔ لوگوں کے دریافت کرنے پر کہ آپ اتنی جلدی جلدی نمازیں کیوں پڑھ رہے ہیں وہ کہتے ہیں کہ میں چاہتاہوں کہ ساری نمازیں ادا ہو جائیں۔ ہم نماز ادا کرتے ہیں ،اس کے بعد جب ہم اپنے جوتے ڈھونڈھتے ہیں تو نہیں ملتے، میں جوتے ڈھونڈھتی ہوئی بیت الخلاء کی طرف جا نکلتی ہوں ۔تووہاں دیکھا کہ میرے جوتے فلش کے طہارت خانہ میں پڑے ہیں۔میں اپنے جوتوں سے متعلق خواب اکثر دیکھتی ہوں کہ جوتے کھو گئے ہیں یا میں جوتا پسند کررہی ہوں۔