متفرقات >> دیگر
سوال نمبر: 175251
جواب نمبر: 175251
بسم الله الرحمن الرحيم
Fatwa : 464-367/H=04/1441
پورے گاوٴں میں آواز جائے اس قدر آواز کو پھیلا کر مائک پر دعاء پڑھوانا اور حدیث شریف پڑھنا بھی درست نہیں، مدرسہ شروع ہوتے وقت دعاء وحدیث شریف کے لئے مائک کا استعمال کرنا مکروہ ہے اگر بیمار ضعفاء کمزور ذکر تلاوت وغیرہ میں مشغول لوگوں کو اس آواز سے تکلیف پہونچتی ہو تو اس وجہ سے بھی ناجائز ہونا ظاہر ہے جو لوگ حضرت نبی اکرم صلی اللہ علیہ وسلم کا نام نامی سن لیں تو ان پر درود شریف ایک مرتبہ پڑھنا واجب ہوجاتا ہے اور نہ پڑھنے پر گناہ ہوگا اس لئے بھی لوگوں کو گناہ سے بچانے کے لئے مائک کا استعمال صورت مسئولہ میں بند کردینا چاہئے ورنہ سننے والے تو قصداً درود شریف کو اگر چھوڑ دیں گے تو گناہ گار ہوں گے اور مائک استعمال کرنے والے اس گناہ کا سبب بنیں گے تو گناہ کا ذریعہ بن کر وہ بھی گناہ میں شریک ہوں گے۔
واللہ تعالیٰ اعلم
دارالافتاء،
دارالعلوم دیوبند