عبادات >> ذبیحہ وقربانی
سوال نمبر: 600728
اگر کہیں مسجد کے ارادہ سے کوئی جگہ لی گئی اور اس میں چہار دیواری بھی کر دی گئی لیکن ابھی اسمیں نماز شروع نہیں کی گئی ہے اب لاک ڈاؤن کے چلتے قربانی کرنے کے لئے کوئی معقول جگہ نہیں مل پا رہی تھی تو کیا مسجد کی جگہ میں قربانی کر دی گئی تو یہ درست ہے جواب عنایت فرما کر ممنون و مشکور ہوں۔
جواب نمبر: 600728
بسم الله الرحمن الرحيم
Fatwa : 226-168/H=03/1442
چونکہ وہ جگہ مسجد کے لئے مختص ہے اگرچہ ابھی اس میں نماز شروع نہیں ہوئی مگر پھر بھی وہ لائق احترام ہے اس میں قربانی کرنا مناسب نہ تھا اس لئے آئندہ نہ کریں تاہم قربانی جو کرلی گئی وہ قربانی درست ہوگئی۔
واللہ تعالیٰ اعلم
دارالافتاء،
دارالعلوم دیوبند