عنوان: اذانِ فجر کے بعد لاوٴڈ اسپیکر سے پر ذکر کرنا؟

سوال: ہمارے یہاں ایک مفتی صاحب اذان فجرکے بعد سے جماعت کے 10/15 منٹ پہلے تک مسجد میں بتیاں بجھاکر باجماعت بہت زور آواز سے ذکر کرتے ہیں اور خود مفتی صاحب لاؤوڈ اسپیکر کے ذریعہ اسکا لیڈ(پڑھانا) دیتے ہیں، ہمیں بھی اس میں شریک ہونے کو کہاگیا لیکن دوسرے بعض علماء کہتے ہیں کہ یہ طریقہ صحیح نہیں تو اس صورت میں ہمیں کیا کرنا چاہئے ؟

جواب نمبر: 14836601-Sep-2020 : تاریخ اشاعت

بسم الله الرحمن الرحيم

Fatwa ID: 430-437/B=5/1438

مسجد میں فجر کے وقت فجر سے پہلے لاوٴڈ اسپیکر کے ساتھ بالجہر ذکر کرنا درست نہیں، مسجد میں بہت سے لوگ آکر سنتیں پڑھتے ہیں، کچھ تلاوت کرتے ہیں، کچھ تسبیحات پڑھتے ہیں، زور سے ذکر کرنے کی وجہ سے ان لوگوں کے معمولات میں رکاوٹ پیدا ہوگی اور لاوٴڈ اسپیکر سے ذکر کرنے کی صورت میں ریاکاری اور دکھاوا بھی پایا جاتا ہے۔ ذکر کرنے والوں کو چاہیے کہ وہ اپنے اپنے گھروں میں ہلکی آواز کے ساتھ ذکر بالجہر کرلیا کریں۔