عقائد و ایمانیات >> قرآن کریم
سوال نمبر: 6196
میرے ایک دوست نے کہا ہے کہ قرآن کی تقریباً سو آیات منسوخ ہو چکی ہیں اور اس نے کچھ علماء کا بھی بتایا کہ کچھ کہتے ہیں کہ ستر یا چھہتر منسوخ ہوئی ہیں۔ اس بارے میں میری رہنمائی فرماویں کہ کیا ایسا ہے؟ کیوں کہ مسلم ہونے کے ناطے قرآن کی کسی آیت کے بارے میں ہم ایسا سوچ بھی نہیں سکتے ہیں۔
میرے ایک دوست نے کہا ہے کہ قرآن کی تقریباً سو آیات منسوخ ہو چکی ہیں اور اس نے کچھ علماء کا بھی بتایا کہ کچھ کہتے ہیں کہ ستر یا چھہتر منسوخ ہوئی ہیں۔ اس بارے میں میری رہنمائی فرماویں کہ کیا ایسا ہے؟ کیوں کہ مسلم ہونے کے ناطے قرآن کی کسی آیت کے بارے میں ہم ایسا سوچ بھی نہیں سکتے ہیں۔
جواب نمبر: 6196
بسم الله الرحمن الرحيم
فتوی: 1020=1210/ ھ
آپ کی سوچ غلط ہے چنانچہ قرآن کریم میں اللہ تبارک و تعالی نے فرمایا: ما ننسخ من آیة أو ننسہا نات بخیر منہا أو مثلہا (البقرة 106) مطلب یہ ہے کہ اللہ تبارک و تعالی کسی آیت کے حکم کو منسوخ کردیتے ہیں اس سے یا فراموش کرادیتے ہیں تو اس سے بہتر یا اس کے مثل حکم لاتے ہیں۔
نسخ کے سلسلہ میں آپ مفتی تقی عثمانی مدظلہ کی کتاب علوم القرآن کا مطالعہ کرلیں پھر جو اشکال ہو اسے صاف طور پر لکھ کر سوال کریں۔
واللہ تعالیٰ اعلم
دارالافتاء،
دارالعلوم دیوبند