متعلقہ سوالات

کو ئی آدمی اس شرط پر پیسے لیتا ہے کہ وہ پیسے کہیں کسی کاروبار میں لگائیں گے ( جا ئز کاروبار میں ) لیکن وہ شخص جس کے پیسے ہیں وہ یہ کہتا ہے کہ اگر اتنا فائدہ نہیں ہوگا جتنا کہ تم بتا رہے ہو تو کیا ہوگا ؟تو وہ کہتاہے کہ ہم آپ کو دو سال بعد دوگناپیسے دیں گے۔ پھر وہ شخص کہتا ہے کہ اگر نہ دیا تو تمہا ر ا ایک فلیٹ جو لگ بھگ اتنی مالیت کا ہے لے لوں گا ،اور یہ معاملہ طے پاجاتاہے ۔ اب آپ مجھے بتائیں کہ کیا یہ سود ہے ؟ اگر سود نہیں تو کیا جس نے پیسے لگا یا ہے اس کے یہاں کھانا پینا جا ئزہے ؟اور کیا جس نے پیسے کار وبار کے لیے لیا ہے اس کے یہا ں کھاناپینا کیساہے؟ (۲) کو ئی آدمی کاروبار کے لیے سود پر پیسے لے سکتاہے ؟جب کہ وہ اللہ کے کرم سے کا فی اچھے حالات میں ہے، نہ کھانے کی کوئی تکلیف ، نہ رہنے کی کوئی تکلیف ،بس زیادہ مال کے چکر میں وہ پیسے لیتا ہے۔ (۳) کو ئی بہت مالدار آدمی ویسے کاروبار کے لیے پیسے دیا تو اس کے بارے میں کیا حکم ہے؟

میں پاکستان میں رہتا ہوں۔میری عمر ۸۳ سال ہے۔میرے پاس ایک دوکان اور ایک فلیٹ ہے،جس میں میں اپنی بیوی اور دو بیٹیوں کے ساتھ رہتا ہوں۔۸ سال سے اپنی دوکان میںپکوان ہاوس کھول رکھا تھا۔مگر مسلسل مہنگائی کی وجہ سے آمدنی کم اور نقصان زیادہ ہوتا رہا۔مجبوراً پکوان ہاوس بند کرنا پڑا۔ کچھ لوگوں کا قرضہ بھی چڑھ گیا ہے۔گاڑی بھی بیچ دی تاکہ قرضہ اتر سکے۔پھر بھی قرضہ پورا نہ اتر سکا۔ابھی فی الحال دوکان کرائے پر دیدی ہے۔دوکان میں دوبارہ کاروبار کرنے کا سوچتا ہوں مگر رقم موجود نہیں ۔مجھے مرگی جیسی بیماری بھی ہے۔جس میں میں چلتے چلتے راستہ بھول جاتا ہوں،یا میں کہاں موجود ہوں یہ بھی بھول جاتا ہوں اکثر۔اور کبھی مرگی جیسے دورے بھی پڑتے ہیں۔اکثر دوکان پر بھی ایسا ہوچکا ہے ۔کافی علاج کروایا مگر فائدہ نہ ہوسکا۔قسطوں پر موٹر سائیکل بھی لی ہے مگر ڈاکٹر منع کرتے ہیں کسی بھی قسم کی ڈرائیونگ سے۔بچوں کی تعلیم ،گھر کا خرچ چلانے کے لئے کرایہ کسی طرح بھی پورا نہیں پڑتا۔والد صاحب مدد کررہے ہیں فی الحال تو مگر اب ان کے پاس بھی مزید گنجائش نہیں۔(دوکان اور فلیٹ بھی ان ہی کا دِلایا ہوا ہے)۔کچھ مدد دیگر رشتے دار بھی کردیتے ہیں کبھی کبھار،مگر ان کا سارا پیسہ فکس ڈپوزٹ یا انشورنس والا ہے۔میری اور میری بیوی کی خواہش ہے کہ ہم سود نہ کھائیں،نہ ہی کسی سے مانگنے کے محتاج رہیں۔(رشتہ داروں یا والد صاحب وغیرہ سے) میرا سوال یہ ہے کہ کیا ایسی صورتحال میں میں اپنی دوکان بیچ کر پیسہ بینک میں جمع کرواسکتا ہوں۔جس کی ماہانہ آمدنی سے میرا گھر چل سکے؟

کیا ٹیکس بچانے کے لیے لائف انشورنس کراناجائز ہے؟ اور مستقبل کے لیے روپیہ کیسے بچایا جاسکتا ہے؟ مہربانی فرماکرکے اس کا جواب جلد ازجلد بھیج دیں۔

میرے والدصاحب بینک میں نوکری کرتے تھے۔ 1998 میں ان کی وفات ہوگئی۔ ان کے آفس سے کچھ روپیہ دیا گیا تھا ان کو ملا کر میری والدہ نے پرانا گھر بیچ کر نیا گھر خرید لیا۔ جس کے کرایہ سے اور میرے ماموں چار ہزار روپیہ دیتے ہیں ان سے گزارہ ہو رہا ہے۔ 1998میں میرا بھائی ساتویں کا طالب علم تھا مگر اب انجینئرنگ کے آخری سال میں ہے۔ میں اب شادی شدہ ہوں۔ بینک کی کمائی حرام ہے تو اب کیا راستہ ہے کہ وہ اپنی جائیداد اور روپیوں کو حلال کریں، کیوں کہ آمدنی کا کوئی اور ذریعہ نہیں ہے؟

میں ایک آئی ٹی پروفیشنل ہوں اور بطور ڈیٹا بیس ایڈمنسٹریٹر کے کام کرتاہوں۔ اگر میں کسی بینک میں نوکری کروں گا تو میرا کام تمام ڈیٹا اور معلومات کو محفوظ رکھنا ہوگا۔ بینک کے تمام ٹرانز ایکشن(کاروائی) ایک کمپیوٹر میں جمع ہوتے ہیں اور مجھے کمپیوٹر میں اس ڈیٹا کی دیکھ بھال کرنی ہوتی ہے اور اگر کوئی شخص اس ڈیٹا کو دیکھنا چاہتا ہے تو اس کودیکھنے کے قابل بنانا ہوتا ہے۔ بینک کے ذریعہ سے لین دین اور کاروائی یا اس سے مشابہ کوئی اور معاملہ میں میں کسی بھی طرح سے شامل نہیں ہوتا ہوں۔یہ بات ذہن میں رکھتے ہوئے کہ اگر اس وقت میرے پاس کوئی اور نوکری نہیں ہے تو کیا میرے لیے یہ نوکری جائز ہے؟