عقائد و ایمانیات >> دعوت و تبلیغ
سوال نمبر: 603002
كیا كہنا درست ہے كہ ’’تبلیغ میں جانا اللہ كے راستے میں جانا ہے‘‘؟
تبلیغی جماعت میں جانے کو اللہ کے راستے میں جانا یہ کہنا کیسا ہے ؟
جواب نمبر: 603002
بسم الله الرحمن الرحيم
Fatwa : 610-410/B=06/1442
غیرمسلموں کو دین اسلام کی دعوت دینے کے لئے اور ان میں اللہ کا کلمہ بلند کرنے کے لئے گھر سے نکلنا اصل اللہ کے راستہ میں نکلنا ہے۔ دین سیکھنے کے لئے یا علم دین سیکھنے کے لئے جو گھر سے نکلتا ہے یہ بھی اللہ کے راستہ میں نکلنا فرمایا گیا ہے۔ مگر پہلے کے مقابلہ میں اس کا درجہ کمتر ہے۔ یہ دراصل دعوت و تبلیغ کی محنت ہے۔ علم دین سیکھنے سکھانے اور دوسروں تک پہونچانے کی محنت ہے۔ اس پر اللہ تعالی کے یہاں بہت زیادہ اجرو ثواب ملتا ہے۔
واللہ تعالیٰ اعلم
دارالافتاء،
دارالعلوم دیوبند