عنوان: رفاہی کاموں كے ذریعہ دین کی طرف مائل کرنا ؟

سوال: میرا یہ سوال ہے کہ رفاہی کاموں کے ذریعے دین کی طرف مائل کرنا کیسا ہے ؟ کیا یہ اسلام کا خاصہ ہے یا کسی اور مذہب کا خاصہ ہے ؟ اس عمل کی شرعی حیثیت کیا ہے ؟

جواب نمبر: 14812201-Sep-2020 : تاریخ اشاعت

بسم الله الرحمن الرحيم

Fatwa ID: 479-381/H=4/1438

رفاہی کاموں کو لے کر کے دین کی طرف مائل کرنا اصالةً کوئی شرعی حکم نہیں ہے، اگر مسلمان اپنے عقائد واعمال درست رکھیں دین میں پختگی پیدا کریں دوسروں کی جان مال عزت وآبرو کی حفاظت اپنی جان مال عزت آبرو کی حفاظت کی طرح کریں حسن سلوک حسن اخلاق اور ادائے حقوق کو شیوہ بنائیں شریعت مطہرہ کے احکام کو مضبوطی سے پکڑلیں آپس میں تشتت وافتراق سے پوری طرح اجتناب کرتے رہیں، غیرمسلموں کے ساتھ اچھا برتاوٴ برتیں ایسے مسلمانوں کا وجود ہی خود ایک مستقل دعوتِ اسلام ہے۔