عبادات >> زکاة و صدقات
سوال نمبر: 16653
میں
یہ جاننا چاہتاہوں کہ زیورات کی زکوة کیسے نکالتے ہیں اورایک تولہ کتنا ہوتاہے؟
میں
یہ جاننا چاہتاہوں کہ زیورات کی زکوة کیسے نکالتے ہیں اورایک تولہ کتنا ہوتاہے؟
جواب نمبر: 16653
بسم الله الرحمن الرحيم
فتوی(ل):1652=1322-10/1430
اگر وہ زیورات بقدر نصاب ہیں یعنی ساڑھے سات (7.5)تولہ سونا یا ساڑھے باون (52.5) تولہ چاندی کے بقدر ہیں یا سونا، چاندی الگ الگ نصاب کے بقدر نہیں ہیں، البتہ کچھ سونا، کچھ چاندی اور کچھ نقد روپے ہیں جن کی مجموعی قیمت ساڑھے باون تولہ چاندی کے بقدر پہنچ جاتی ہے تو تمام پر زکات واجب ہے، زیورات کی زکات نکالنے کا طریقہ یہ ہے کہ ان کی قیمت معلوم کرکے ڈھائی فیصد 2.5%کے حساب سے زکات ادا کردی جائے۔
(۲) ایک تولہ ۱۱/ گرام ۶۶۲۵ملی گرام (11.6625gm) کا ہوتا ہے۔
واللہ تعالیٰ اعلم
دارالافتاء،
دارالعلوم دیوبند