عنوان: اگر قرض کو منہا کرنے کے بعد بقدر نصاب قربانی مال نہیں تو قربانی واجب نہیں

سوال: میرا سوال یہ ہے کہ میرے اوپر ابھی قرض ہے تقریباً چھ لاکھ روپئے، لیکن میری بیوی کے پاس تقریباً دس تولہ سنا ہے، کیا مجھ پر قربانی واجب ہے ؟ کیا میں اپنی بیوی کی طرف سے قربانی دے سکتاہوں؟ اگر میری بیوی کے پاس سونا یا پیسہ ہو تو اس پر زکاة اور قربانی فرض ہے؟ جب کہ وہ نوکری بھی نہیں کرتی نہ کہ اس کے پاس کچھ اورذریعہ ہے ، کیا بیوی کی طرف سے شوہر کو دینا ہے زکاة اورع قربانی ؟براہ کرم، جواب دیں ، کیوں کہ عید کا وقت قریب آرہاہے۔

جواب نمبر: 4886801-Sep-2020 : تاریخ اشاعت

بسم الله الرحمن الرحيم

فتوی: 1659-1212/H=12/1434-U اگر قرض کو منہا کرنے کے بعد آپ کے پاس بقدر نصاب قربانی مال نہیں تو آپ پر قربانی واجب نہیں، بیوی کے پاس دس تولہ سونا ہے تو خود اسی پر قربانی واجب ہے، اس کی طرف سے قربانی کرنا آپ کے ذمہ واجب نہیں۔ تاہم اس سے اجازت لے کر آپ کردیں گے تو ادا ہوجانے میں کچھ مانع نہیں، یہی حکم زکاة کا بھی ہے، آپ کی بیوی نوکری کرتی ہو یا نہ کرتی ہو دونوں صورتوں میں حکم یکساں ہے۔