عقائد و ایمانیات >> دعوت و تبلیغ
سوال نمبر: 146899
جواب نمبر: 146899
بسم الله الرحمن الرحيم
Fatwa ID: 284-264/B=3/1438
مفسرین میں حضرت ابن عباس ، حضرت مجاہد ، حضرت حسن بصری وغیرہ یہ فرماتے ہیں کہ ”اولوا الأمر“ سے مراد علماء وفقہاء ہیں کیوں کہ وہ رسول اللہ صلی اللہ علیہ وسلم کے نائب ہیں اور دین و شریعت کا انتظام ان ہی کے ہاتھوں میں ہے اور مفسرین کی ایک جماعت جس میں حضرت ابوہریرہ رضی اللہ عنہ شامل ہیں یہ حضرات فرماتے ہیں کہ اولوا الامر سے مراد حکام اور اُمراء ہیں کیونکہ ان کے ہاتھ میں نظامِ حکومت ہے، تفسیر ابن کثیر اور تفسیر مظہری میں ہے کہ اولوا الامر دونوں کو شامل ہے، کیوں کہ امر و نہی کانظام دونوں کے ساتھ وابستہ ہے یہی قول زیادہ راجح اور پسندیدہ ہے۔
واللہ تعالیٰ اعلم
دارالافتاء،
دارالعلوم دیوبند