English اردو

  • عبادات >> زکاة و صدقات

    سوال نمبر: 7216

    عنوان:

    اگر کسی مسلمان کے پاس ساٹھ گرام سونا اورتین سو گرام چاندی ہے تو کیا اس کے اوپر زکوة فرض ہوگی؟ یا اگر اس کے پاس صرف پانچ سو ستر گرام چاندی کے برابر نقد روپیہ ہے اور اس کے پاس سونے یا چاندی کی کوئی مقدار نہیں ہے تو کیا اس صورت میں بھی اس کے اوپرزکوة فرض ہوگی؟

    سوال:

    اگر کسی مسلمان کے پاس ساٹھ گرام سونا اورتین سو گرام چاندی ہے تو کیا اس کے اوپر زکوة فرض ہوگی؟ یا اگر اس کے پاس صرف پانچ سو ستر گرام چاندی کے برابر نقد روپیہ ہے اور اس کے پاس سونے یا چاندی کی کوئی مقدار نہیں ہے تو کیا اس صورت میں بھی اس کے اوپرزکوة فرض ہوگی؟

    جواب نمبر: 7216

    بسم الله الرحمن الرحيم

    فتوی: 1612=1377/ ب

     

    پہلی صورت میں جب کہ کسی مسلمان کے پاس 60 گرام سونا اور 300 گرام چاندی ہے تو دونوں کی قیمت جوڑکر مجموعی قیمت کا چالیسواں حصہ زکاة نکالنا فرض ہوگا۔ اور دوسری صورت میں جب کہ صرف 570 گرام چاندی کے برابر نقد روپیہ ہے اور سونا چاندی کچھ نہیں ہے، تو اس کے اوپر زکاة واجب نہیں ہے۔ زکاة کے وجوب کے لیے کم ازکم 612گرام اور 360 ملی گرام چاندی یا اس کے بقدر نقد روپیہ ہو، اس سے کم ہو تو زکاة واجب نہیں۔


    واللہ تعالیٰ اعلم


    دارالافتاء،
    دارالعلوم دیوبند
دارالافتاء، دارالعلوم دیوبند، انڈیا © 2020
اس ویب سائٹ کا استعمال اس بات کی علامت ہے کہ آپ استعمال کی شرائط سے متفق ہیں