عنوان: صدقے کی رقم سے زمين خريد کر يا مكان بناكر دینا؟

سوال: کیا میں صدقے کے پیسے زمین خرید کر غریبوں کو دے سکتاہوں ، جب کہ ان کو ملکیت کے کاغذاب بھی دیئے جائیں گے۔ (۲) اور کیا میں مکان بنا کر غریبوں کو دے سکتاہوں جب کہ ان کو ملکیت کے کاغذاب بھی دیئے جائیں گے۔ جزاک اللہ

جواب نمبر: 6860101-Sep-2020 : تاریخ اشاعت

بسم الله الرحمن الرحيم

Fatwa ID: 1227-1139/B37=01/1438

 (۱) صدقے کے پیسوں سے مسکین کو زمین خرید کر یا مکان بنوا کر دینا درست ہے۔ جی ہاں صدقے کے پیسوں سے زمین خرید کر غریبوں کو دے سکتے ہیں ملکیت کے کاغذات تو ثبوت کے لیے ہوتے ہیں بہتر یہ ہے کہ کاغذات بھی انہیں دے دئیے جائیں۔

(۲) جی ہاں مکان بنواکر غریبوں کو دے سکتے ہیں، ملکیت کے کا غذات بھی انہیں حوالہ کردئے جائیں تو بہتر ہے۔ آپ کاغذات کو رکھ کر کیا کریں گے۔