عبادات >> زکاة و صدقات
سوال نمبر: 611926
ڈپازٹ کی رقم پر زکات کا شرعی حکم
ایک فرد کے پاس کل مال تین لاکھ روپے ہیں جو بحیثیت ڈپازٹ مکان مالک کے پاس جمع ہیں۔ اس شخص کو کبھی کام ملتا ہے کبھی نہیں ملتا۔ لہذا روزانہ کا خرچ جٹا پانا بہت مشکل ہوتا ہے۔ ایسے شخص پر زکات کی ادائیگی کا کیا حکم ہوگا؟
جواب نمبر: 611926
بسم الله الرحمن الرحيم
Fatwa: 867-543/D-Mulhaqa=11/1443
اس مسئلے میں حضرات مفتیان کرام کی دو رائیں ہیں ، بعض زکات کے وجوب کے قائل ہیں اور بعض عدم وجوب کے ، احتیاط بہرحال اسی میں ہے کہ ڈپازٹ کی رقم واپس ملنے کی صورت میں گذشتہ سالوں کی زکات اداء کردی جائے ۔
واللہ تعالیٰ اعلم
دارالافتاء،
دارالعلوم دیوبند