عبادات >> زکاة و صدقات
سوال نمبر: 611415
زكاۃ میں جوڑا دینے كی صورت میں اس كی موجودہ قیمت محسوب ہوگی
سوال : محترم یہ پوچھنا تھا کہ ایک شخص کی کپڑوں کا دکان ہے اور وہ ایک جوڑا کپڑا 800 کا خریدتا ہے اور اسی کو 900 یا 1000 کا بیچتا ہے۔ اور وہی کپڑا وہ ایک غریب کو زکوة كی مد میں دینا چاہتا ہے تو کیا اب زکوة کی رقم میں سے وہ 1000 روپے کاٹے گا یا 900 یا 800؟
جواب نمبر: 611415
بسم الله الرحمن الرحيم
Fatwa: 1027-780/D=09/1443
جوڑا آٹھ سو میں خریدا گیا لیكن اب جو اس كی مالیت ہو یعنی جس پر آسانی سے فروخت كیا جاسكے اس پر آپ زكاۃ ادا كریں۔ پس زكاۃ میں جوڑا دینے كی صورت میں نو سو یا ایك ہزار كی رقم جس پر آسانی سے فروخت ہوسكے محسوب ہوگی۔
واللہ تعالیٰ اعلم
دارالافتاء،
دارالعلوم دیوبند