عبادات >> زکاة و صدقات
سوال نمبر: 606137
بھائی کو فیس کے لیے زکاۃ کی رقم دینا؟
میں سرکاری نوکری کرتا ہوں،میرے چار بھائی ہیں اُن میں سب سے چھوٹا بھائی ابھی پڑھتا ہے ،میرے دو بھائی کام تو کرتے ہیں لیکن آمدنی بہت محدود ہے ،والد صاحب کی آمدن کا کوئی ذرائع نہیں ہے اس لئے چھوٹا بھائی کو میں پڑھنے کے لئے خرچ دیتا ہوں، اس سال اُن کا داخلہ کسی کوچنگ میں کرنا ہے اس کے لئے خطیر رقم کی ضرورت ہے ،جس کو میں ہی دوں گا،،کیا میں زکوة کی رقم سے اپنے بھائی کی فیس دے سکتا ہوں؟
جواب نمبر: 606137
بسم الله الرحمن الرحيم
Fatwa : 75-51/H=01/1443
آپ کا چھوٹا بھائی اگر مستحق و مصرف زکاة ہے اور آپ اس کو اپنی زکاة کی رقم اتنی دیدیں کہ وہ صاحب نصاب نہ بنے اور وہ اس رقم پر قبضہ کرکے اپنی فیس کی ادائیگی اس سے کردے تو آپ کی زکاة بھی اداء ہوجائے گی اور اس کا فیس میں دینا بھی درست ہوگا۔
واللہ تعالیٰ اعلم
دارالافتاء،
دارالعلوم دیوبند