عبادات >> زکاة و صدقات
سوال نمبر: 604559
بہ نیت زكاۃ قرض معاف كرنے سے زكاۃ ادا ہوجائے گی یا نہیں؟
میں نے اپنے بھائی کو کچھ رقم قرض دی ہوئی ہے، اگر میں زکاة کی نیت سے اس کو یہ قرض معاف کردوں تو کیا زکاة ادا ہوجائے گی؟
جواب نمبر: 604559
بسم الله الرحمن الرحيم
Fatwa : 1098-236/H=10/1442
اس طرح معاف کردینے سے آپ کی زکاة اداء نہ ہوگی؛ البتہ اگر آپ کا بھائی غریب و مستحق اور مصرف زکاة ہے اور آپ اس کو اپنی زکاة دیدیں تو آپ کی زکاة اداء ہوجائے گی پھر اس زکاة کو وہ بھائی اپنے قرض کی ادائیگی میں واپس کردے تو قرض بھی اداء ہوجائے گا اگر بھائی مستحق زکاة نہیں تو اس کو زکاة دینا جائز نہیں۔
واللہ تعالیٰ اعلم
دارالافتاء،
دارالعلوم دیوبند