• عبادات >> زکاة و صدقات

    سوال نمبر: 40780

    عنوان: 15 تولہ سونے پر كتنی زكاۃ ہوگی؟

    سوال: میں حنفی دیوبندی ہوں اور میرا تعلق پاکستان کے شہر لاہور سے ہے . میں ایک نجی ادارے میں کام کرتا ہوں اور یہاں ایک گھر کرایا پر لیا ہوا ہے جس کا ماہانہ کرایا ۸۰۰۰ روپے ہے . میری بیوی کے پاس 15 تولہ سونا ہے ، برائے مہربانی مجھے یہ بتائیں کہ مجھے کتنی زکاة ادا کرنی ہو گی؟ شکریہ

    جواب نمبر: 40780

    بسم الله الرحمن الرحيم

    فتوی: 1360-529/L=10/1433 آپ نے اپنے بارے میں کوئی تفصیل نہیں لکھی بس بیوی کی ملکیت لکھ دی ہے، اس سلسلے میں عرض یہ ہے کہ آپ کی بیوی کی ملکیت میں جتنا تولہ سونا/ چاندی، نقدی ہو ان تمام کی مالیت جوڑکر ڈھائی فیصد کے حساب سے اس کی زکاة ادا کردیں۔ واضح رہے کہ بیوی کی زکاة کی ادائیگی آپ پر لازم نہیں ہے، بیوی پر خود اپنی زکاة کی ادائیگی لازم ہے، خواہ وہ زیور بیچ کر زکاة ادا کرے یا کسی اور طریقے سے ادا کرے البتہ اگر آپ خود بیوی کی اجازت سے اس کی زکاة ادا کردیں تو اس سے بھی زکاة کی ادائیگی ہوجائے گی۔


    واللہ تعالیٰ اعلم


    دارالافتاء،
    دارالعلوم دیوبند