عنوان: کمرے کی ٹوٹل قیمت پر زکاة ہوگی یا صرف منافع کی رقم پر؟

سوال: میں نے دو کمرے خریدے ہیں، ایک کمرہ میں میری فیملی رہتی ہے اور ریٹ بڑھنے کے بعد میں ایک کمرہ کو بیچنا چاہتاہوں۔ میں جانتاہوں کہ اس کمرہ کو میں بیچوں گا، سوال یہ ہے کہ اس پر زکاة کا کیا حساب ہوگا، کمرے کی ٹوٹل قیمت پر زکاة ہوگی یا صرف منافع کی رقم پر؟

جواب نمبر: 3241231-Aug-2020 : تاریخ اشاعت

بسم الله الرحمن الرحيم

فتوی(م): 990=990-6/1432 جو کمرہ آپ بیچنا چاہتے ہیں، اگر خریدنے کے وقت ہی اس کو فروخت کرنے کی نیت تھی تب تو اس کمرے کی پوری مالیت (یعنی قیمت خرید مع منافع) پر زکاة ہوگی اور اگر خریدنے کے وقت رہائش کی نیت سے لیا تھا، بعد میں نیت تبدیل ہوگئی تو اس پر زکاة نہیں، ہاں جب فروخت کردیں گے اور اس کی قیمت نصاب کے بقدر ہوگی یا کسی دوسرے نصاب کے ساتھ شامل کرنے کی وجہ سے زکاة واجب ہوگی تو پھر حسب شرائط زکاة نکالنی ہوگی۔