عبادات >> زکاة و صدقات
سوال نمبر: 179795
گذشتہ سال حج کمیٹی میں جمع کی گئی جو رقم واپس ملی، اس کی زکوة کا حکم
ایک شخص نے حج کمیٹی میں حج کے لیے پیسے دیے تھے ،لیکن کرونا وائرس کی وجہ سے حج نہیں ہوا،تو اب حج کمیٹی نے سارے پیسے واپس کر دیا۔ تو اب سوال یہ ہے کہ آیا اس واپس شدہ پیسے میں زکاة واجب ہوگی یا نہیں؟
جواب نمبر: 179795
بسم الله الرحمن الرحيم
Fatwa:17-12/N=2/1442
گذشتہ سال عازمین حج نے حج کمیٹی میں جو پیسے جمع کیے تھے اور پھر کورونا وائرس کو لے کر حج نہیں ہوا اور سارے پیسے واپس ہوگئے تو ان واپس شدہ پیسوں کی، حسب شرائط زکوة واجب ہوگی۔
واللہ تعالیٰ اعلم
دارالافتاء،
دارالعلوم دیوبند