عنوان: رکھنے کی غرض سے خرید کردہ زمین کے مابقیہ پیسہ کو مال زکوة سے منہا کیا جائے گا یا نہیں؟

سوال: امید ہے آپ خیریت سے ہوں گے۔آپ سے زکاة کے متعلق مسئلہ پوچھنا چاہتا ہوں۔ میں نے زمین خریدی ہے۔کل رقم کا 15 فیصد ادا کر دیاہے اور باقی 75فیصد جولائی کے آخر میں دینا ہے اور میں ہی رجسڑی ہو گی۔ باقی کی رقم بھی موجود ہے اس پر زکاة فرض ہے کہ نہیں؟زمین رکھنے کی نیت سے خریدی ہے۔

جواب نمبر: 17121201-Sep-2020 : تاریخ اشاعت

بسم الله الرحمن الرحيم

Fatwa:898-777/N=11/1440

صورت مسئولہ میں اگر زمین کی خرید وفروخت کا معاملہ مکمل ہوچکا ہے، اب صرف مابقیہ پیسوں کی ادائیگی اور رجسٹری کرانا باقی ہے اور یہ دونوں کام جولائی میں طے ہیں تو آپ کے ذمہ زمین کا جتنا پیسہ باقی ہے، وہ دین ہے، اس دین کو مال زکوة سے منہا کرنے کے بعد آپ کے پاس جو کچھ مال زکوة بچے گا، آپ پر صرف اُس کی زکوة واجب ہوگی، کل مال کی نہیں۔