عنوان: میں عمرہ پر جاتی رہتی ہوں۔ مجھے طواف کے دوران زیادہ چلنے کی وجہ سے سفید رطوبت بہت ہوتی ہے

سوال: میں ریاض میں رہتی ہوں، میں عمرہ پر جاتی رہتی ہوں۔ مجھے طواف کے دوران زیادہ چلنے کی وجہ سے سفید رطوبت بہت ہوتی ہے ۔ طواف کے دوران بار بار استنجاء کے بعد باوضو ہونا ممکن نہیں۔ ایسی حالت میں میں کیا کروں؟

جواب نمبر: 6693701-Sep-2020 : تاریخ اشاعت

بسم الله الرحمن الرحيم

Fatwa ID: 833-668/D=10/1437 طواف چونکہ مسجد حرام میں کیا جاتا ہے اس لیے باوضو ہونا شرط ہے اگر آپ کی رطوبت اتنے وقت تک بند نہ ہو کہ جس میں آپ باوضو پورا طواف ادا کرسکیں تو آپ شرعاً معذور کہلائیں گے لہذا کسی نماز کے شروع وقت میں وضو کرکے طواف شروع کریں اور نماز کا وقت نکلنے سے پہلے پہلے طواف پورا کرلیں ایسی صورت میں درمیان طواف رطوبت خارج ہونے سے کوئی حرج نہ ہوگا اگر اتفاق سے طواف مکمل کرنے سے پہلے نماز کا وقت نکل جائے تو دوبارہ وضو کرکے اپنا بقیہ طواف پورا کرلیں بار بار وضو کرنے کی ضرورت نہیں ہے۔ (مستفاد از فتاوی رحیمیہ ۴/۲۱۲ )