عنوان:

حیض نہ آنے کی صورت میں نماز کا حکم

سوال:

سوال : حضرت والا عرض یہ کرنا ہے کہ کسی عورت کو اگر بچہ دو سال سے کم ہے اور بچوں کو دودھ پلانے کی وجہ سے اگر عورت کو دو مہینہ تک حیض نہ آئے تو عورت کی نماز کا کیا حکم ہے؟اور وہ پاک اور نا پاک کس وقت شمار ہوگی؟

جواب نمبر: 60966717-Feb-2022 : تاریخ اشاعت

بسم الله الرحمن الرحيم

Fatwa : 928-645/H=07/1443

 جب تک حیض نہ آئے اُس وقت تک عورت پاک ہی رہے گی اور نماز اُس پر فرض ہوگی، نماز چھوڑنا اس کے لیے جائز نہ ہوگا۔ حیض کا نہ آنا خواہ بچہ کو دودھ پلانے کی وجہ سے ہو یا کچھ اور سبب سے ہو اور چاہے دو مہینہ تک نہ آئے یا اس سے کم زیادہ مدت تک نہ آئے صورت مسئولہ میں بہرصورت اُس پر نماز فرض رہے گی۔