معاشرت >> عورتوں کے مسائل
سوال نمبر: 60861
جواب نمبر: 60861
بسم الله الرحمن الرحيم
Fatwa ID: 658-658/Sd=11/1436-U سخت مجبوری کے بغیر عورت کا گھر سے باہر ملازمت کرنا شریعت میں پسندیدہ نہیں ہے، شریعت نے کسب معاش کی ذمہ داری مردوں پر ڈالی ہے، عورت کو اس کا مکلف نہیں بنایا ہے، اس کے باوجود عورت اپنی ملازمت سے جو پیسے کمائے گی، وہ ان پیسوں کی مالک ہوگی اور اپنے مملوکہ پیسوں میں شرعاً اس کو ہرطرح کے جائز تصرف کا اختیار ہے، اگر وہ چاہے تو والدین پر بھی خرچ کرسکتی ہے، اس بارے میں شوہر کو بتانا لازم اور ضروری تو نہیں ہے؛ لیکن ایک بیوی کو اپنے سارے کام شوہر کے علم میں لاکر اور اس کے رائے مشورے ہی سے کرنے چاہئیں، اس سے باہمی تعلقات استوار رہیں گے اور ایک دوسرے پر اعتماد بھی قائم رہے گا۔
واللہ تعالیٰ اعلم
دارالافتاء،
دارالعلوم دیوبند