معاشرت >> عورتوں کے مسائل
سوال نمبر: 602996
لے پالک اولاد کو محرم بنانے كا طریقہ؟
شادی کو آٹھ سال ہوگئے ہیں اور میں بچہ گود لینا چاہتاہوں، میں نے سنا ہے کہ اگر میں بچے کو اپنا دودھ پلادیتی ہوں تو بچہ محرم ہوجاتاہے ، کیا یہ شریعت کی روشنی میں حلال ہے؟ براہ کرم، رہنمائی فرمائیں۔
جواب نمبر: 602996
بسم الله الرحمن الرحيم
Fatwa : 576-376/SN=06/1442
بچہ گود لینا شرعاً جائز ہے، مگر اس کی وجہ سے وہ بچہ حقیقی (صلبی) اولاد کے درجے میں نہ ہوگا؛ البتہ اگر آپ کو دودھ ہوتا ہے اور دو سال عمر ہونے سے پہلے پہلے اپنا دودھ پلادیتی ہیں تو وہ آپ کے حق میں محرم ہوجائے گا اور آپ اس کی رضاعی ماں بن جائیں گی۔ اس سلسلے میں آپ نے جو کچھ سنا ہے وہ صحیح سنا ہے۔ عن عائشة رضی اللہ عنہا قالت: قال رسول اللہ صلی اللہ علیہ وسلم: یحرم من الرضاعة ما یحرم من الولادة ۔ رواہ البخاری (مشکاة، رقم: 3161)
واللہ تعالیٰ اعلم
دارالافتاء،
دارالعلوم دیوبند