عنوان: نیند میں شوہر کی یادآنے کی وجہ سے سفید پانی آنے پر غسل کا حکم؟

سوال: مفتی صاحب! میرے شوہر دو سال سے باہر ہیں اور مجھ کو نیند میں ان کی یاد آکر سفید پانی (white discharge) آجاتا ہے ، کیا اس صورت میں میرے اوپر غسل واجب ہے؟ جزاک اللہ

جواب نمبر: 15367101-Sep-2020 : تاریخ اشاعت

بسم الله الرحمن الرحيم

Fatwa: 1326-1300/M=11/1438

عورت کو بھی احتلام ہوجاتا ہے، صورت مسئولہ میں آپ کو نیند میں شوہر کی یاد آکر سفید پانی آجاتا ہے یعنی نیند سے بیدار ہونے کے بعد جسم یا کپڑے پر تری نظر آتی ہے تو اس کی وجہ سے آپ پر غسل واجب ہوجاتا ہے۔ حدیث میں ہے کہ حضرت ابوطلحہ رضی اللہ عنہ کی زوجہ ام سلیم رضی اللہ عنہا حضور صلی اللہ علیہ وسلم کی خدمت میں حاضر ہوکر عرض کیا، یا رسول اللہ! بلاشبہ اللہ تعالیٰ حق بات کہنے سے شرم نہیں کرتے ، کیا عورت پر بھی غسل واجب ہوتا ہے جب کہ اسے احتلام ہوجائے تو رسول اللہ صلی اللہ علیہ وسلم نے ارشاد فرمایا: ہاں جب کہ وہ پانی دیکھے․․․ ”ہل علی المرأة من غسل إذا ہي احتلمت فقال رسول اللہ صلی اللہ علیہ وسلم: نعم إذا رأت الماء“․ (بخاری شریف)