عنوان: ماہواری كے بعد بغیر غسل کئے مجامعت درست ہے یا نہیں؟

سوال: ایک عورت کی عادت پانچ دن حیض آنے کی ہے ،اور ایک مرتبہ چار دن حیض آکر بند ہوگیا ،حیض بند ہونے پر کیا اس سے ہمبستر ہونا درست ہے ؟ایک عورت کو حیض آیا عشاء کی نماز کے بعد، ٹھیک پانچ دن بعد عشاء کے ہی بعد اس کا حیض بند ہو ا، اور اس کی عادت بھی پانچ ہی دن ہے ، دریافت طلب امر یہ ہے کہ کیا اس عور سے مجامعت بغیر غسل کئے درست ہے ؟

جواب نمبر: 14842401-Sep-2020 : تاریخ اشاعت

بسم الله الرحمن الرحيم

Fatwa ID: 581-607/L=6/1438

(۱) اگر عورت معتادہ ہے یعنی ہر مہینے اس کو ۵/ دن خون آتا ہے اگر اس کا خون عادت سے پہلے بند ہو جائے تو اس کی عادت مکمل ہونے تک اس سے صحبت کرنا جائز نہیں؛ کیونکہ ایام عادت تک خون کے آجانے کا غالب گمان رہتا ہے۔ وإن کان الانقطاع دون عادتہا وعادتہا دون العشر لایحل وطوٴہا وإن اغتسلت حتی تمضی عادتہا؛ لأن عود الدم غالب۔ (مجمع الأنہر)

(۲) اگر عورت کو حیض اس کی عادت کے موافق بند ہوا پھر تو اس سے اس وقت تک مجامعت کرنا درست نہیں جب تک کہ وہ غسل نہ کرلے یا ایک نماز کا وقت گذر جائے۔