عنوان: میرے شوہر مجھے ذاتی خرچ نہیں دیتے

سوال: میرے شوہر مزاج کے اچھے اور نماز کے پابند ہیں، مگر وہ مجھے میرا ذاتی خرچ (جیب خرچ) نہیں دیتے جبکہ وہ دینے کی حیثیت رکھتے ہیں، تو کیا اسلام میں عورتوں کو ذاتی خرچ (جیب خرچ) دینے سے منع ہے؟ کیا عورت کا حق نہیں بنتا اس کے ذاتی خرچ کے لیے؟ وہ شوہر سے پیسے کی طلب کرے؟

جواب نمبر: 14649201-Sep-2020 : تاریخ اشاعت

بسم الله الرحمن الرحيم

Fatwa ID: 222-162/H=2/1438

آپ کو ذاتی (جیب خرچ) کی رقم کن کن ضروریات میں صرف کرنے کے لیے ضرورت در پیش ہے؟ آپ کے شوہر جبکہ مزاج کے اچھے او رنمازی ہیں تو نان نفقہ سکنیٰ سے متعلق انتظام تو اپنی حیثیت کے موافق باحسن وجوہ انجام دیتے ہی ہیں اس سے زائد کچھ مطالبہ کرنا آپ کے حق میں بہتر نہیں معلوم ہوتا حُسنِ معاشرت کا تقاضہ بھی یہی ہے کہ آپ صبر و شکر کے دامن کو مضبوط تھامے رہیں اداءِ حقوق کرتی رہیں ہر معاملہ میں اتباعِ سنت کو ملحوظ رکھیں آپ کے صبر و شکر پر جمے رہنے کے نتیجہ اور اثرات و برکات کی بدولت آپ کا گھرانہ نمونہٴ جنت بن جائے گا بہشتی زیور کو بکثرت مطالعہ میں رکھئے (ب) حیاة المسلمین (ج) فضائل اعمال (د) فضائل صدقات کو دیکھنے کا اہتمام کیجئے ان شاء اللہ بے حد فائدہ ہوگا۔