عبادات >> اوقاف ، مساجد و مدارس
سوال نمبر: 611229
مسجد میں گم شدہ چیز یا گم شدہ بچے كا اعلان كرنا
سوال : سوال یہ ہے کہ کیا مسجد میں گمشدگی کا یا کسی کے بچے ،عورت، آدمی کے گم ہو جانے پر مسجد میں اعلان کروا سکتے ہیں؟ کیوں کہ ایک انڈین دوست نے کہا کہ آپ پاکستانی تو آدھے ادھورے مسلمان ہو جو کسی بچے کے گم ہوجانے پر مسجد میں اعلان نہیں کرواتے ہیں، یہ ایک نیک کام ہے، ہمارے پورے انڈیا میں گمشدگی کا اعلان ہوتا ہے، اِس سوال کا جواب دیں۔ مہربانی ہو گی۔ شکریہ
جواب نمبر: 611229
بسم الله الرحمن الرحيم
Fatwa: 1052-786/M=09/1443
جو چیز مسجد سے باہر گم ہوگئی ہو ا س كا اعلان مسجد میں كرنا درست نہیں، ہاں اگر كسی كی كوئی چیز مسجد ہی میں چھوٹ گئی ہو اس كا اعلان مسجد میں كیا جاسكتا ہے بشرطیكہ شور وشغب نہ ہو یا كوئی گم شدہ بچہ ہے اور مل نہیں رہا ہے تو بضرورت اعلان كیا جاسكتا ہے۔ (آپ كے مسائل اور ان كا حل، جلد سوم: 262)
وأما إنشاد الضالة فله صورتان: إحداهما إن ضل شيء في خارج المسجد وينشده في المسجد لاجتماع الناس فهو أقبح وأشنع، وأما لو ضل في المسجد فيجوز الإنشاد بلا شغب (العرف الشذي على هامش الترمذي)
واللہ تعالیٰ اعلم
دارالافتاء،
دارالعلوم دیوبند