عبادات >> اوقاف ، مساجد و مدارس
سوال نمبر: 610704
واہب كی ہبہ كردہ زمین سے زائد جگہ پر قبضہ كرنا
سوال : ایک شخص نے اپنی جگہ میں سے کچھ جگہ مدرسہ کے لیے ہبہ کی اس کا ہبہ نامہ بھی موجود ہے، اب ارباب مدرسہ نے مذکورہ شخص کی ہبہ کی ہوئی جگہ سے بھی زیادہ جگہ گھیر رکھی ہے جس کا ان کے پاس کوئی نہیں ہے تو کیا اہل مدرسہ کا یہ قدم شرعا صحیح ہے؟
جواب نمبر: 610704
بسم الله الرحمن الرحيم
Fatwa: 925-702/M=08/1443
سوال میں ذكر كردہ تفصیل اگر درست اور مطابق واقعہ ہے تو اہل مدرسہ كا ایسا كرنا صحیح نہیں، جتنی زمین واہب (واقف) نے مدرسہ كےلیے دی ہے اتنی ہی زمین مدرسہ كو اپنی تحویل میں لینا جائز ہے زائد جگہ كو گھیرنا درست نہیں۔
واللہ تعالیٰ اعلم
دارالافتاء،
دارالعلوم دیوبند