عبادات >> اوقاف ، مساجد و مدارس
سوال نمبر: 608397
کمیشن پر چندہ کرنا / کرانا؟
بندہ کا دوست ایک مسجد کا امام ہے 'وہاں آبادی کم ہونے کی وجہ سے تنخواہ بہت معمولی ہے 'جس سے گزارہ مشکل ہوتا ہے ' ذمہ داران کا کہنا ہے کہ؛آپ کمیشن پر چندہ اکٹھا کر سکتے ہیں اب پوچھنا یہ ہے کہ؛کیااس طرح کمیشن پر چندہ کیا جا سکتا ہے ؟ جواب دیکر ممنون ومشکور ہوں۔
جواب نمبر: 608397
بسم الله الرحمن الرحيم
Fatwa:234-140/D-Mulhaqa=5/1443
کمیشن پر چندہ کرنا اورکرانا شرعاً جائز نہیں ہے ۔ (چند اہم عصری مسائل:۲۸۶/۱، مکتبہ دار العلوم دیوبند) پس صورت مسئولہ میں مسجد کے ذمہ داران کا آپ کے دوست سے کمیشن پر چندہ کرانا اور آپ کے دوست کے لیے کمیشن پر چندہ کرنا جائز نہیں ہے ۔
واللہ تعالیٰ اعلم
دارالافتاء،
دارالعلوم دیوبند