عبادات >> اوقاف ، مساجد و مدارس
سوال نمبر: 606224
مسجد میں استعمال شدہ سامان کو بیت الخلا وغیرہ میں استعمال کرنا
کیا فرماتیں ہے مفتیان کرام مسئلہ ذیل کے بارے میں کہ ہمارے یہاں پرانی مسجد کو توڑ نئی مسجد تعمیر کردی گئی ہے پرانی مسجد کے دروازے اور کھڑکیاں موجود ہے جو بیکار پڑی ہے توکیا ان دروازے اور کھڑکیوں کو مسجد کے بیت الخلا اور پیشاب خانوں پر لگا سکتے ہیں یانہیں؟ قران وحدیث کی روشنی میں جواب عنایت فرمائیں۔
جواب نمبر: 606224
بسم الله الرحمن الرحيم
Fatwa:140-71/sn=2/1443
صورت مسئولہ میں پرانی مسجد کے دروازوں اور کھڑکیوں کو بیت الخلا اور پیشاب خانہ میں استعمال کرنا مناسب نہیں ہے ، کوشش کریں کہ مسجدہی میں کہیں ان کا استعمال ہوجائے یا پھر امام مؤذن کے کمرے اور مکتب گھر وغیرہ میں استعمال کرلیں۔
یجوز رمی برایة القلم الجدید، ولا ترمی برایة القلم المستعمل لاحترامہ کحشیش المسجد وکناستہ لا یلقی فی موضع یخل بالتعظیم․ (الدر المختار مع رد المحتار:1/ 322، کتاب الطہارة، قبیل باب المیاہ، مطبوعة: مکتبة زکریا، دیوبند، الہند)
واللہ تعالیٰ اعلم
دارالافتاء،
دارالعلوم دیوبند