عبادات >> اوقاف ، مساجد و مدارس
سوال نمبر: 603710
مسجد شرعی کا حکم کب سے لاگو ہوتا ہے
ایک گاوں میں لوگ دو گروپوں میں تقسیم ہوگئے ہیں اور دونوں نے الگ الگ مسجد کاسنگ بنیاد رکھدیا اور تعمیر شروع کر دی اب علماء کی محنت اور فہمائش کے بعد لوگ تو ایک ہی جگہ نماز پڑھنے پر راضی ہو گئے ہیں لیکن ہر گروپ کی ضد ہے کہ ہماری ہی مسجد باقی رہے کیونکہ گاوں کی کل آبادی پچیس گھروں پر مشتمل ہے دریافت طلب امر یہ ہے کہ کون سی مسجد باقی رہے اور کس کو کالعد قرار دیا جائے ، کیونکہ دونوں ہی زیرے تعمیر ہے ؟
جواب نمبر: 603710
بسم الله الرحمن الرحيم
Fatwa:651-442/sd=8/1442
کسی زمین میں جب ایک مرتبہ مسجد شرعی بن جاتی ہے، تو وہ تاقیامت مسجد رہتی ہے، پس صورت مسئولہ میں اگر دونوں مسجدوں کے لیے زمین وقف کردی گئی تھی اور مسجد کی تعمیر شروع ہوگئی تھی (جیساکہ سوال سے ظاہر ہوتا ہے) تواب دونوں ہی مسجدوں کو مسجد کی حیثیت سے باقی رکھنا ضروری ہے اور دونوں مسجدوں میں نماز باجماعت قائم کرنی چاہیے اور آپس میں مل جل کر رہنا چاہیے۔
واللہ تعالیٰ اعلم
دارالافتاء،
دارالعلوم دیوبند