عنوان: مسجد كی الماری بیچ كر پیسے مسجد میں ركھنا؟

سوال:

لوہے کی الماری مسجد میں لگی ہوئی تھی، کسی وجہ سے اس کو نکال کر باہر رکھ دیا گیاہے، کیا اس کو بیچ کر اس کی قیمت کو مسجد کے اخراجات میں لگا سکتے ہیں؟

جواب نمبر: 60125313-Dec-2020 : تاریخ اشاعت

بسم الله الرحمن الرحيم

Fatwa : 215-163/D=04/1442

 مسجد سے نکالنے کی کیا وجہ ہے؟ جس مقصد (سامان رکھنے) کے لئے وہ الماری تھی اس غرض سے مسجد ہی میں دوسری جگہ رکھ دی جائے تاکہ مسجد کے کام میں استعمال ہو، بے کار ضائع اور برباد نہ ہو۔

اگر مسجد میں کسی طرح بھی کام میں لانے کے لائق نہیں ہے یوں رکھنے سے ضائع ہوگی تو ایسی صورت میں اسے مناسب دام میں فروخت کرکے کوئی دوسرا پائیدار سامان خرید کر مسجد میں رکھ دیا جائے یا مسجد کے اخراجات میں استعمال کرلیا جائے۔